Comunicado de prensa 4 mei

4 di Mei, un rekordatorio selektivo, dikon?
Nos a lubidá konsientemente nos víktimanan di guera?

Willemstad,  4 Mei 2018

Riba e fecha 4 di mei tur aña tempu ta parse di bolbe para ketu un ratu. Mundu oksidental ta rekordá nan fayonan kometé den historia.  Un historia konopá ku un seri di inhustisia, materialismo, odio, golosidat ku a hiba na gueranan  ku a kousa finalmente morto di miones di hende riba mundu.

Guera tambe a bati na porta di Kòrsou. E víktimanan di e tempu ei tambe ta tin derecho na libertat i seguridat, inkluso protekshon. Ta te den lat nan aya e realisashon aki ta bin ku hopi mustramentu di duele i bèrgwensa den e ratifikashon di e Deklarashon Universal  di Derechonan di HENDE. Un lei ku mester konta pa tur hende ya ku no ta pòrnada e lei aki ta yamá UNIVERSAL.

E lei aki nos no tin mag di lubidá. E memoria di konmemorashon no por ta selektivo. Komo tal ta lanta e pregunta ta dikon aña tras aña den e seremonia organisá pa Gobièrnu di Pais Kòrsou (finansiá komo tal tambe) ta insistí na lubidá e chinesnan ku tabata traha pa CPIM i kendenan a ser matá  kruelmente den e kampamentu na Suffisant den luna di aprel. “Stichting Eerherstel Oorlogsslachtoffer Curaçao”  tin añanan ta buska rekonosimentu di e mortonan aki  komo viktimanan di guera. Tur e viktimanan di e Matansa di Aprel aki na Kòrsou kende nan grafnan tur a ser deskurbí i sustentá ku dokumentonan ofishal tambe ta kai den e kategoria ariba menshoná

Na konmemorashon dia 20 di aprel último nos a komprondé ku kontrario na Promé Minister Ben Whiteman  ku a primintí di trese e kambionan di lei pa tal rekonosimentu  tuma lugá,  ku e aktual minsiter di Enseñansa, Siensia, Kultura i Deporte drs. Marilyn Alcalá Wallé  den su reflekshon a bisa, “ Ta ora pa nos kada un tuma nos responsabilidat pa mustra ku nos ta sigui rekordá boso (e chinesnan matá kruelmente riba 20 aprel 1942) den nos kurason, I ku e desvelo di e plakat aki kier a logra  komprometé nos individualmente pa hasi algu konkreto den nos bida ku ta demonstrá ku nos ta rekordá nan i ta esforsá nos mes pa den nos kren ningun tipo di abusu sea chikí o grandi tuma lugá. Nos ta spera ku e propuesta di kambio di lei aki lo keda akordá pa Konseho di Minister. E Gobièrnu di Kòrsou na 2012 ya a rekonosé e 22 chinesnan aki matá na Suffisant komo viktimanan di guera.  Ta eksihí desensia, rèspèt i boluntat pa hasi algu konkreto relashoná ku e inhustisia aki. Ora den selebrashon di 4 di Mei konsientemente ta ninga di inklui e grupo aki den e ritualnan ofishal pa para ketu, rekordá loke a pasá i resolvé pa e inhustisianan aki di krueldat no bolbe pasá.

Desensia i rèspèt ta eksihí pa bin ku e kambio di lei aki.

www.aprilmoorden.nl

Drs. Marilyn Alcalá-Wallé, minister di Enseñansa, Siensia, Kultura i Deporte i Wim van Lamoen, representante di SEOC.